Remzi Azemi, shqiptari nga Kosova i cili njihet si krahu i djathtë i Dritan Rexhepit, është arrestuar në Maqedoninë e Veriut rreth një javë më parë, më 6 dhjetor.
Ai ishte në listën e Interpol, pasi autoritetet ekuadoriane kishin lëshuar një urdhër arresti ndërkombëtar ndaj tij në vitin 2021, për vrasjen e malazezit, Fadil Kacanic dhe gruas së tij, Elsa Gallegos Leon. Krimi i dyfishtë ndodhi kur autorët të veshur si policë rrëmbyen çiftin dhe i çuan në vendin e ekzekutimit, në autostradën Guayaquil-Salinas.
Po gjithashtu, ai akuzohet edhe për vrasjen e shqiptarit Ilir Hidri në 30 maj të vitit 2017, në Ekuador, ku ai ishte pjesë e mafias ballkanike të Guayaquil.
Pas arrestimit, mediat ekuadoriane kanë publikuar deklaratën që Azemi ka dhënë para autoriteteve për vrajsen e bashkëkombasit Hidri, ku tregohet se si ata janë njohur.
Remzi Azemi shprehet se ka dobësi femrat, të cilat i cilësoi të gjitha si të bukura. Në dashmi, ai tregon se i gjente në vende të ndryshme, si qendra tregtare, kafene apo në vendbanimin e tij për t’i takuar.
Teksa tregon se flet pesë gjuhë (shqip, serbisht, anglisht, gjermanisht dhe spanjisht), ai thotë se spanjishten e ka mësuar nga gratë me të cilat është shoqëruar që kur ka mbërritur në Ekuador. Më tej, në dëshmi ai tregon se kishte një partnere në Milagro, Guayas, me të cilin kishte një djalë.
“Fëmija është një vjeç, mendoj”, tha ai.
Ai e përshkroi nënën e fëmijës si “të dobët, latine, me flokë të gjatë dhe bjonde”, teksa pretendon se ajo e kishte lënë për shkak të tradhtive dhe pas kësaj ai mori një shtëpi me qira rrugën Guayaquil-Salinas.
Më pas është takuar me Ilir Hidrin sepse një mik i përbashkët i kishte kërkuar të qëndronte tek ai. Por, shtoi në dëshmi, se kishte vendosur të kërkonte një vend tjetër për të jetuar sepse Ilir Hidri se konsumonte alkool dhe kokainë 24 orë në ditë.
Sipas tij, ai nuk mund të flinte nëse nuk merrte pilula për ta bërë këtë. Kur është pyetur për aktivitetet e Ilir Hidrit, Remzi Azemi ka deklaruar se s’kishte dijeni.
Pas problemeve me bashkëjetuesen, kosovari tha se kishte shkuar të jetonte në një apartament luksoz në Puerto Santa Ana, derisa të arratisej nga Ekuador. Ai ka deklaruar se tre ditë para vrasjes së Ilir Hidrit, më 30 Maj 2017, është goditur me thikë dhe ka qenë i shtruar në spital pa ndjenja. Sipas tij, ai u plagos në Pascuales.
