Napoli është mburrur gjithmonë me picën e tij të famshme. Por tani ka një arsye më shumë për ta bërë, pasi pica nepoletane u shpall pasuri kulturore botërore e UNESKO-s. Konfirmimi u bë nga autoritetet e Romës.
Këshilli i Uneskos i mbledhur në Jeju, të Koresë së Jugut pranoi unanimisht kandidaturën italiane për specialitetin e saj edhe pse ishte e vetmja.
“Urime Italisë”- komentonte Unesco në llogarinë e saj duke njoftuar pranimin e artit të pizajolit napolitan në listën përfaqësuese të trashëgimive kulturore të njerëzimit.
Tradita e përgatitjes së picës napolitane, në të cilën përfshihen gjeste, këngë, shprehje dhe aftësi ekzibicionin në bashkësinë komunitare, është padyshim pjesë e trashëgimisë kulturore”- thuhej në deklaratën finale të pranimit nga Unesco.