Anëtari i Komisionit të Vlerësimit të Kandidatëve për Deputetë në PD, Besnik Mustafaj, ka deklaruar se ka nisur faza e parë e seleksionimit të kandidatëve.
Në fazën e dytë ai thotë se do të ketë 300 kandidatë por që do të skualifikohen përsëri.
Më tej ai ka theksuar se asnjëherë nuk ka pasur presion kaq të madh te vetja, se sa në këtë rast me përzgjedhjen e kandidatëve.
“Në fazën e dytë 280 rreth 300 kandidatë, më pas do të skualifikojë përsëri ata që nuk janë të denjë për të përfaqësuar vendin në parlament.
Nuk kam pasur asnjëherë një persion kaq të madh nga vetja. Ankthi se do gabosh është diçka e pashmangme. Ankthi se do gabvosh është një presion më vete sepse ka shumë figura që e meritojnë nisur nga CV.
Mua më gëzon persopnalisht por shoh që edhe kolegët e mi e ndjekin me seriozitet. Unë e di se ky nuk është një proces i përsosur, por shënon lindjen e një demokratizimi të thellë”, tha ai për news 24.
Sakaq ai ka komentuar edhe rolin e kryeministrit Edi Rama si kryesues i OSBE, për të ndikuar në zgjidhjen e krizës në Bjellorusi.
“Është i pabesueshëm për të kryer një detyrë të tillë. Autoriteti i Ramës si politikan është shumë i dëmtuar. Nuk besoj se është në gjendje të arsyetojë për të kuptuar rëndësinë që ka prania e një misioni të tillë. Nuk e di se çfarë platforme ka planifikuar Rama”, shtoi më tej ai.
