Ambasada e SHBA-së në Shqipëri ka dhënë një deklaratë zyrtare në lidhje me procesin e përzgjedhjes së hetuesve të Byrosë Kombëtare të Hetimit.
Përmes një postimi në rrjetet sociale, ata shkruajnë se e mbështesin plotësisht procesin objektiv dhe të bazuar në merita të Shqipërisë për të rekrutuar dhe përzgjedhur hetuesit e BKH-së. Kalimi i fazave të aftësive fizike dhe intelektuale, sipas tyre janë thelbësore për BKH.
“SHBA mbështesin plotësisht procesin objektiv dhe të bazuar në merita të Shqipërisë për të rekrutuar dhe përzgjedhur hetuesit e BKH-së. Këto standarde të zbatimit të ligjit të aftësive fizike dhe intelektuale janë thelbësore që BKH-ja të përmbushë mandatin e saj”, thuhet në deklaratën zyrtare.
Kujtojmë se 7 kandidatë për hetues të Byrosë Kombëtare të Hetimit kanë paditur anëtarët e Komisionit të Vlerësimit, mes tyre vetë shefen e BKH-së Aida Hajnaj dhe kreun e SPAK Arben Kraja.
Sipas kallëzuesve, anëtarët e Komisionit të Vlerëismit i kanë skualifikuar ata padrejtësisht dhe kanë kaluar në fazën tjetër disa kandidatë që nuk plotësojnë kriteret. Pretendimi i kandidatëve të s kualifikuar lidhet me fazën e tretë të konkursit, atë të Testit të Aftësive Fizike.
