Bashkia Përrenjas është duke zhvilluar procesin e buxhetimit me pjesëmarrje. Për këtë qëllim janë organizuar takime me komunitetin në qytet, njësi vendore dhe fshatra. Takimi radhës ishte ai në Rrajcë Fushë. Ja çfarë i kërkojnë banorët kryetares së bashkisë Miranda Rira. Dje ishim në Njësinë Administrative Rrajcë, ku u konsultuam me banorët lidhur me buxhetin për vitin 2018.
Prioritet janë ujërat e zeza ku një pjesë e mirë e parave do të shkojnë për ujërat e zeza. Rira u shpreh se deri tani jemi në një luftë të hapur me disa njerëz që abuzojnë në mënyrë flagrante me ligjin, ku veçojmë çështjen e Qafë-Thanës, e vaskave të peshkut, e lavazheve që janë pa leje. Prokuroria është në proces dhe do merret seriozisht me situatën e krijuar.
“Vera e thatë dhe e frikshme që ishte vjet, duhet të mos përsëritet më këtë që vjen sepse nuk ka kuptim që disa persona të kenë nga 4 çezma ndërsa disa të tjerë të mos kenë as për të pirë. Mbetjet urbane janë një shqetësim tjetër. Shpresojmë që çështja do të zgjidhet shumë shpejt.”
