Konferenca e sigurisë që po zhvillohet në Mynih të Gjermanisë u kthye të shtunën në një arenë përplasje për presidentin e Kosovës Hashim Thaçi dhe homologun e tij serb Aleksandër Vuçiç.
Në panelin ku ishte i pranishëm edhe komisioneri europian pëër zgjerimin, Johanes Hahn, presidenti Thaçi tha se marrëveshja finale duhet të rezultojë me njohjen reciproke mes Kosovës dhe Serbisë dhe pranimin e vendit në OKB.
Duke replikuar, Thaçi tha se askujt nuk i lejohet të që ta kushtëzojë dialogun.
Thaçi: Nuk i lejohet askujt të kushtëzojë dialogun sepse dialogu duhet të zhvillohet pa kushtëzime. Uroj të kemi një fleksibilitet dhe kreativitet dhe nga Beogradi dhe në javët apo muajt e ardhshëm të gjejmë një zgjidhje përfundimtare.
Ndërsa presidenti Vuçiç akuzoi palën kosovare se ka dështuar të përmbushë marrëveshjet e Brukselit.
Sipas tij, zgjidhja për Kosovën dhe Serbinë duhet të jetë kompromisi dhe një marrëveshje me përfitime të përbashkëta.
Vuçiç: Ne do të bëjë më të mirën për gjetjen e kompromisit që nuk do të paraqesë kapitullimin e njërës palë, në këtë rast kapitullimin serb. Një gjë e rëndësishme është për të gjithë ne, se nuk ka luftë në vazhdim, gjë e cila është shumë e rëndësishme për të gjithë.
Ndërsa Hahn tha se është në interes të Kosovës dhe Serbisë për të arritur një marrëveshje ndërsa shtoi se dialogu ka rëndësi për prespektivën europiane.
