Kemi parë kryeministrin Edi Rama të përplaset me gazetarët por jo Presidentin Ilir Meta.
Sot ka ndodhur. Kreu i shtetit u përplas me gazetaren e TVSH Melisa Shemeti e cila e pyeti se ‘ku ishte presidenti një vit më parë’ me të gjitha propozimet që po bën tani. Gazetarja i kujtoi Metës edhe shëtitjet në mal e plazhin në det.
REPLIKAT:
Meta: Ku isha unë? Unë do vdes për ty që harron kaq shpejt, unë do vdes për ty. Na mbysin me dezinformacion (i bie me dorë tavolinës)
Gazetarja: Mos u nxeh
Meta: jo nuk nxehem
Gazetarja: Ju ishit në mal, apo në bregdet duke u freskuar…
Meta: Ku ishim ne para një viti? Ishim në prag të një vëllavrasje, mitingje njëra palë, antimiting pala tjetër, ca bëra unë? Thashë aman mo hajde të bëjmë zgjedhje lokale si gjithë të tjerët. U thashë që pa zgjedhje gjithëpërfshirëse shkelet kriteri i Kopenhagenit, nuk hapen negociatat dhe shtohen kushtet. Hajde bëjmë zgjedhje vendore si njerëz se, në Europë po përpiqen të mos na ndajnë ne nga Maqedonia. U detyrova për të shmangur përplasjen, për të ulur palët.
E mbani mend që unë e prisja këtu përpara zotërinë, dhe ai lahej në pishinë te Sheratoni?
Unë nuk kam ndjekur as axhendën e Bashës, as të Monikës dhe as u kam thënë të dalin nga parlamenti. Përkundrazi…