Një aksident ka ndodhur pasditen e sotme në zonën e njohur si “Shkëmbi i Kavajës” në Durrës, pranë stacionit të Trenit në Golem. Mësohet se dy automjete një “Benz” dhe një “Ford” janë përplasur me njëra-tjetrën. Për pasojë, makinat kanë pësuar dëme të konsiderueshme, ndërsa ende nuk bëhet e ditur nëse ka persona të lënduar.
Në këtë foto të siguruar nga Panorama.al shihet se njëra nga makinat ka pësuar dëmtime në anën e shoferit.
Përplasja e dy mjeteve ka shkaktuar edhe trafik në qarkullimin e makinave. Nga mbikalimi i Plepave deri në Golem për më shumë se një orë janë krijuar radhë të gjata kilometrike.
Ndërkohë forca të shumta policie kanë shkuar në vendin e ngjarjes dhe po punojnë për zbardhjen e rrethanave të aksidentit.