Ekspertët e seksit zbuluan se të kryesh marrëdhënie një herë në javë mund të ketë përfitime shëndetësore, raporton “The Sun”.
Nga rritja e kolagjenit tek përmirësimi i zemrës, ja ç’mund t’i ndodhë jetës suaj nëse kryeni marrëdhënie më shpesh.Koha e këndshme – seksi
Sigurisht, na bën të lumtur dhe askush nuk mund ta mohojë këtë. Por a e dini se, përveç nivelit të lartë të kënaqësisë, seksi në të vërtetë mund të jetë i mirë për shëndetin tuaj fizik, mendor dhe emocional?
Ekspertët në Universitetin e Uashingtonit kohët e fundit zbuluan se seksi një herë në javë përgjysmon rrezikun e vdekjes së hershme, ul gjithashtu shanset për kancer, sëmundje të zemrës dhe sëmundje të tjera. Dhe rezulton se përfitimet nuk mbarojnë me kaq.
Rrit kolagjenin
Po, e lexove mirë. Seksi mund të rrisë nivelet e kolagjenit, por në vaginën tuaj, jo në fytyrën tuaj! “Aktiviteti fizik i seksit stimulon kolagjenin në vaginën tuaj, duke e mbajtur atë të zhdërvjellët, të shëndetshme dhe të fortë,”- shpjegon gjinekologia Tania Adib .
“Nëse nuk po e përdorni vaginën, ajo do të zvogëlohet dhe thahet. Por një sasi e arsyeshme seksi të rregullt e mban lëkurën të shëndetshme dhe gjithçka të lubrifikuar,”- thotë Tania.
Përmirëson kontrollin e fshikëzës suaj
Nëse mendimi i teshtitjes në një moment të gabuar vendos ju frikëson, atëherë më shumë seks mund t’ju ndihmojë. Lindja e fëmijës dhe plakja bëjnë që disa gra të vuajnë nga kontrolli i dobët i fshikëzës, por më shumë seks mund ta përmirësojë gjendjen.
“Gjatë seksit, muskujt e legenit tkurren dhe lirohen, veçanërisht kur i afroheni kulmit, dhe kjo ndihmon në tonifikimin dhe forcimin e muskujve. Sa më të fortë të jenë këta muskuj, aq më shumë kontroll do të keni ndaj fshikëzës”,- tha Valentina Roffi , një fizioterapiste klinike.
Është i mirë për zemrën
Një seancë seksi mund të konsiderohet një formë e mirë ushtrimesh kardiovaskulare. Studimi i Universitetit të Uashingtonit zbuloi se njerëzit që bëjnë seks një herë në javë kanë 21% më pak mundësi të vdesin nga sëmundjet e zemrës dhe 69% më pak të ngjarë të vdesin nga kanceri.
Kjo do t’ju ndihmojë të qetësoheni dhe të flini më lehtë
Keni probleme me gjumin? Seksi mund të jetë shpëtimtari juaj, falë hormonit prolaktin. “Pas orgazmës, prolaktina lirohet dhe kjo na bën të ndihemi të relaksuar dhe të përgjumur”,-thotë Kate Moyle , një psikoseksologe dhe eksperte e marrëdhënieve seksuale.
“Seksi ul prodhimin e hormonit të stresit kortizol, por gjithashtu është treguar se gjatë seksit pjesa logjike e trurit bëhet më pak aktive (kështu që ju ndiheni më pak të frenuar në situata seksuale),”- shton Kate.
Do t’ju largojë dhimbjen e kokës
Keni dhimbje koke? Seksi çliron në tru hormonin e lumturisë, dopaminën, dhe hormonin e përkedheljes, oksitocinën. Kjo mund t’ju shpëtojë jo vetëm nga dhimbja e kokës, por edhe nga dhimbja gjatë ciklit menstrual.
Por kjo nuk është e gjitha. Studimet tregojnë gjithashtu se orgazmat bëjnë që truri të çlirojë një tjetër hormon lumturie, serotonin, i cili funksionon si një qetësues i fuqishëm.
