Ministria e Shtetit për Mbrojtjen e Sipërmarrjes, bëri të ditur sot se ka ndjekur proçesin e vlerësimit të dëmshpërblimit të bizneseve të prekuara nga përmbytjet nëntorin e kaluar.
Të prekurit nga përmbytja do të mund të pajisen me një vërtetim përmes të cilit mundësohet evidentimi i dëmeve për dhjetëra subjekte të dëmtuara në të gjithë Shqipërinë. Në ditët në vijim do të bëhet e ditur edhe procedura që do të ndiqet.
Ndërkaq, në ditët e fundit të vitit që kaloi, ministrja e Shtetit për Mbrojtjen e Sipërmarrjes, Sonila Qato, zhvilloi një takim teknik me faktorët kryesor operues në fushën e sipërmarrjes, si grupe interesi, sipërmarrës e investitorë të huaj në Shqipëri, përfaqësues të institucioneve bashkërenduese, dhe këdo ka kontribuar në përmirësimin e klimës së biznesit në Shqipëri.
Gjatë takimit pjesëmarrësit gjithashtu u njohën jo vetëm me punën e kryer në trajtimin e ankesave, por dhe me raportin përfudimtar të Pyetësorit mbi Biznesin, nisur 20000 sipërmarrësve, kryer në bashkëpunim me INSTAT, me qëllim mbledhjen e opinionit të biznesit në vend mbi ristrukturimin e agjensive qeveritare dhe Inspektoratit.
Të dyja këto material gjenden në faqen zyrtare të Ministres së Shtetit për Mbrojtjen e Sipërmarrjes.
