Së paku 7 persona raportohet se kanë humbur jetën si pasojë e përmbytjeve në Greqi. Mediat e huaja shkruajnë se në ishullin e Evias, në pjesën lindore të vendit shirat kanë shkaktuar përmbytje dhe rrëshqitje dherash.
Mes viktimave është edhe një foshnje 8-muajshe, pasi shtëpia në katin a parë u përmbyt tërësisht nga uji. Ndërkohë, disa persona rezultojnë ende të zhdukur.
Dhjetëra banorë kanë braktisur shtëpitë e tyre, veçanërisht në lokalitetin Politika dhe operacionet e shpëtimit janë ende në zhvillim. Kryeministri grek Mitsotakis ka shprehur dhembjen e tij për humbjet dhe se do të vizitojë sot ishullin, i dyti më i madh pas Kretës.
Autoritetet ndërkohë flasin për një situatë të paparashikueshme në atë zonë, diçka që sipas kreut të Emergjencave Civile Nikos Hardalias: “nuk e kishim përjetuar asnjëherë më parë”.
