Numërimi i votave është duke vijuar pothuajse në të gjithë vendin, përveç Librazhdit, Divjakës dhe Malësisë së Madhe. Nga këto tre qendra votimi nuk raportohen ende të dhëna, referuar sistemit online të Komisionit Qendror të Zgjedhjeve.
Pjesa më e madhe e bashkive të vendit është “veshur” paraprakisht rozë, por në disa zona të tjera kryesojnë kandidatët e koalicionit “Bashkë Fitojmë”.
Në Peqin, Belsh dhe Libohovë kandidatët e koalicionit opozitar të Sali Berishës dhe Ilir Metës e nisën me “këmbë të mbarë”, por duket se e kanë humbur shpejt epërsinë. Nga përditësimi i fundit i KQZ, shihet një përmbysje e rezultatit.
Nga përditësimi i orës 03.00, datë 15 Maj, rezultatet janë këto:
Bashkia Belsh
- Arif Faik Tafani Partia Socialiste e Shqipërisë 1.502 vota
- Bedri Skënder Qypi Bashkë Fitojmë 1.436 vota
Bashkia Peqin
- Mustafa Zylyf Pashja Bashkë Fitojmë 2.148 vota
- Bukurosh Izet Maçi Partia Socialiste e Shqipërisë 2.848 vota
Bashkia Libohovë
- Leonard Vyrtyt Hide Partia Socialiste e Shqipërisë 798 vota
- Adil Fahri Xhelili Bashkë Fitojmë 674 vota
