Familjarët e viktimave të 21 janarit kanë folur në takimin përkujtimor në kryeministri.
Teksa kanë marrë fjalën njëri pas tjetrit, ata kanë kërkuar nga institucionet përkatëse vetëm drejtësi.
Ata kanë akuzuar drejtpërdrejtë, ish-kryeministrin Sali Berisha dhe ish-ministrin e Brendshëm Lulzim Basha.
Pas fjalës së marrë nga familjarët e viktimave, momentalisht po flet Kryeministri Rama.
Në fjalën e deritanishme Rama ka përmendur se padrejtësitë e kësaj ngjarjeje do të mbyllen njëherë e mirë. Kjo sepse ajo ka humbur beteja, gjatë gjithë historisë së një kombi si Shqipëria.
Gjatë fjalës së tij Rama tha se Plaga e padrejtësisë në këto familje është 7 fish më sunduese.
“21 janari është kthyer në një dëshmitar kombëtar i pa fuqisë çerekshekullore të këtij njeriu përballë drejtësisë së tredhur nga krimi.
Një pasqyrë kombëtare të betejës së shpallur tre vitet e fundit të sistemit të drejtësisë, ku në çdo hap ndeshemi nga celula anti reformë.
Sot prindërit janë 7 vjet më të moshuar. Plaga e padrejtësisë në këto familje është 7 fish më sunduese” tha Rama.
“Nuk dua ta fsheh, 21 janari vjen në një vigjilje në një sëkëlldi. Kjo peshon ndjeshëm në çdo vit në prag të një takimi tradicional. Pesha e kësaj sëkëlldie ja lë vendin një kthjelltësie pas takimit me familjarët.
Kur vjen fjala te drejtësia ky padurim artikulim si një spazëm e dhimbshme. Nuk po shohim asgjë, është fjalia që e përmbledh atë.
Krejt kuptueshëm vigjilja e 21 janarit e bëjnë lënguese spazmën. Pse nuk i fut në burg, jeni të gjithë vrasës, jeni të gjithë hajdutë, jeni që mos qofshi dhe shto ujë akuzash e shto mjell mallkimesh.
Përballë shpërthimit të zëshëm mund të arrish të dyshosh që këta njerëz nuk e kanë marrë vesh ende ndryshimin e sistemit në Shqipëri, nga sistemi i drejtësisë popullore në shtetin e së drejtës.
Sot kemi jo vetëm një popull që aspiron drejtësinë dhe e pret atë me padurim, por edhe një palë njerëzish të motivuar, politikanësh që shumicës qeverisëse që kanë të gjithë durimin për ta çuar deri në fund shkatërrimin e botës që u ka nxirë jetën kaq shumë shqiptarëve.
A ka humbur drejtësia? Drejtësia pas viteve të diktaturës ka qenë një humbëse e madhe sa herë që padrejtësia e parasë ka qenë palë e interesuar në proces. Sidoqoftë drejtësia ka humbur beteja, por jo luftën.
Sot njerëzit e sfilitur nga ndjenja e drejtësisë që nuk vjen kërkojnë padurim skalpin e fajtorëve, kërkojnë larjen e një hesapi të madh pas një cerek shekulli.”
***
Po ashtu në një njoftim për mediat thuhet se do të zhvillohen homazhe përgjatë Bulevardit të Dëshmorëve.
Holli qendror i Kryeministrisë: 21 Janari në rrugën e Reformës në Drejtësi
Posted by Edi Rama on Sunday, January 21, 2018