Gjykata e Posaçme ka kaluar për gjykim dosjen e ish-kryebashkiakut të Lezhës, Fran Frrokaj, i akuzuar për tjetërsim të pronave.
Frrokaj dhe 10 ish-zyrtarët të bashkisë akuzohen për “shpërdorim detyre”, “Falsifikim dokumentesh” dhe “pastrim të produkteve të veprës penale”.
Po ashtu mësohet se gjykata ka pranuar edhe kërkesën për gjykim të shkurtuar.
EMRAT/ “Kërdia” me tokat në Shëngjin, ja kush janë bashkëpunëtorët e Fran Frrokajt që ende nuk janë burgosur
Tetorin e vitit te kaluar, Gjykata e Apelit në Shkodër gjeti fajtorë dhe dënoi me nga tre vjet burg ish-kryebashkiakun e Lezhës, Fran Frrokaj, dhe ish-kryetarin e qarkut Lezhë, Gjok Ndoka, të akuzuar për tjetërsimin e 234 mijë metrave tokë në bregdetin e Shëngjinit.
Hetimet për tjetërsimin e pronave në zonën e “Ranës së Hedhun”, në Shëngjin, kanë nisur në vitin 2017, kur në Prokurori u denoncua tjetërsimi i 234 mijë e 548 metër katrorë tokë shtetërore ranishte, që ishte përfituar përmes falsifikimit të dokumenteve.
“Vetëm ish-kryebashkiaku Fran Frrokaj ndodhet në qeli!”, Policia sqaron për tjetërsimin e pronave te Rana e Hedhun
Bashkia Lezhë dhe Këshilli i Qarkut Lezhë nëpërmjet shkresave përkatëse zyrtare, pavarësisht se në realitet (tokat) janë mal dhe ranishte, i kanë konfirmuar si toka të kategorisë “Arë” dhe “Pemëtore”.
Sipas vendimit për sekuestrim, parcelat ishin regjistruar në emër të personave që nuk kishin të drejtë të përfitonin tokë në atë zonë.
