Një sipërfaqe e madhe me pyje e shkurre është përfshirë nga flakët në Krastën e Krujës. Zjarri deri tani ka shkrumbuar mbi 10 hektarë pyje dhe vijon të avancojë duke u përhapur me shpejtësi.
Zjarri sipas zjarrfikësve është i qëllimshëm pasi janë disa vatra. Dy grupe të forcave zjarrfikëse të Krujës janë në vend duke u përpjekur të lokalizojnë flakët, por kjo është mjaft e vështirë për shkak të terrenit dhe mungesës së rrugës.
