Një nga perimet më popullore dhe më të gjindshme në planet janë domatet. Pranda, është shumë e lehtë të keni mundësinë e konsumimit të lëngut të domates. Ka shumë arsye përse duhet ta përfshini këtë lëng në dietën tuaj të përditshme.
Mbron zorrën e trashë
Lëngu i domates është i pasur me një lloj antioksiduesi, i quajtur likopen, ku sipas ekspertëve, ndihmon në uljen e rrezikut për zhvillimin e kancerit të zorrës së trashë. Ky lloj antioksidues është i njohur për uljen e rrezikut për zhvillimin e adenomave kolorektale, të lidhura me kancerin e zorrës së trashë.
Parandalon kancerin e prostatës
Likopeni është e mirë dhe për parandalimin e kancerit të prostatës. Prandaj, është kjo arsyeja përse meshkujt mund të përfitojnë jashtëzakonisht nga pirja e lëngut të domates, sepse, siç u përmend më herët, është një burim i mrekullueshëm i likopenit.
Likopeni, parandalon kancerin e pankreasit
Sipas një studimi, njerëzit që konsumonin sasi të mëdha të likopenit ishin 30% më pak të rrezikuar nga kanceri i pankreasit. Ekspertët thonë se beta karotene, një përbërës tjetër i domates, është gjithashtu shumë efektive kundër kancerit të pankreasit.
Ndihmon me sistemin tretës
Falë përmbajtjes së lartë në fibra, konsumimi i lëngut të domates rregullisht ndihmon sistemin tretës dhe parandalimin e kapsllëkut. Lëngu i domates gjithashtu posedon veti natyrore antiseptike. Për këtë arsye, lëngu ndihmon me parandalimin e diarresë dhe infeksioneve të tjera në sistemin tretës.
Ul nivelin e kolesterolit
Nëse vuani nga kolesteroli i lartë, atëherë përfshini në dietën tuaj lëngun e domates. Fibra në lëngun e domates funksionon si një ‘fshesë’ e cila fshin kolesterolin e keq. Ajo është e pasur me niacinë, një mineral i njohur i cili ndihmon në uljen e kolesterolit në mënyrë natyrale.
Zvogëlon rrezikun e mpiksjes së gjakut
Mpiksja e gjaku është e mirë kur kemi lëndime pasi ndalon humbjen e gjakut. Por, është krejt e kundërta nëse ndodh brenda organizmit, pasi mund të pengojë rrjedhjen e gjakut në organe vitale siç janë mushkëritë, truri dhe zemra. Lëngu i domates është shumë i dobishëm për personat që vuajnë nga diabet të cilët rrezikojnë nga mpiksja e gjakut.
Konsumimi i lëngut ul rrezikun për zhvillimin e sëmundjeve të zemrës
Nuk është sekret që fibrat ulin në mënyrë të konsiderueshme rrezikun për zhvillimin sëmundjeve të zemrës. Përveç fibrës, lëngu është i pasur dhe me lëndë ushqyese si: kaliumi, niacina, vitamina B6 dhe acidi folik.
Lëngu i domates është i mirë për kockat
Kalciumi nuk është e vetmja lëndë ushqyese që ju nevojitet për kocka të shëndetshme dhe të forta. Ju duhet edhe vitamina K, e nevojshme për ankorimin e kalciumit në kocka. Dhe e dini çfarë? Lëngu i domates është i pasur me vitaminë K.
I bën mirë lëkurës
Për shkak të ngarkesave të antioksiduesve të lirë kundër radikalit në lëng domate, konsumimi i lëngut të domates ndihmon të keni një lëkurë të pastër. Lëngu ndihmon në ngadalësimin e shfaqjes së shenjave të plakjes së lëkurës. Lëngu i domates është perfekt për lëkurën me akne, sipas studimeve, sepse ka veti anti-inflamatore.
Largon inflamacionin
Inflamacioni është një gjendje që lidhet me një shumëllojshmëri të sëmundjeve. Ku përfshihen, diabeti, osteoporoza, obeziteti, sëmundjet e zemrës, kanceri dhe artiri. Konsumimi i lëngut të domates ndihmon me parandalimin e inflamacionit me një të tretën, kjo e bazuar sipas hetimeve mjekësore.
Më lartë listuam disa nga përfitimet shëndetësore të lëngut të domates. Mënyra më e mirë për t’i përfituar është duke e përgatitur vetë lëngun e domates dhe jo ta blini. Më poshtë keni recetën si të përgatisni një lëng domate të freskët.
Përbërësit:
- 3 kg domate (shumë të pjekura, të mbushura dhe të copëtuara)
- 1 e 1/4 gotës me kërcell dhe gjethe të selinos ( të copëtuar)
- 1/3 filxhan qepë të copëtuar
- 2 lugë sheqer
- 1 lugë çaj kripë
Procedura:
- Në një tenxhere të madhe prej çeliku inoks, kombinoni të gjithë përbërësit tuaj.
- Gatuajeni dhe zieni për rreth 25 minuta. Pa kapak.
- Merrni një sitë dhe hidhni përzierjen në të.
- Lejoni të ftohet plotësisht. Transferojeni në një enë të madhe dhe ruani në frigorifer.
Përshtati në shqip: Kesilda Gjoka
