Në vitin 1991, tregojnë se në një fshat të harruar mes Tiranës dhe Durrësit, kur njëri nga liderët e Partisë Demokratike të sapo krijuar shkoi në një takim elektoral, dikush e pyeti se si kishte shkuar vizita e tij në SHBA, e cila ishte pasqyruar nga TVSH dhe gazeta Rilindja Demokratike. Në moment, ai futet në rol dhe u deklaron:
Po. Eshtë shumë e vërtetë që sapo jam kthyer nga Amerika. Atje vizitova Shtëpinë e Bardhë. Madje vetë Presidenti Xhorxh Bush më pyeti për fshatin tuaj! Sigurisht kishte nga ata që e “hëngrën” e plot të tjerë që e tregojnë edhe sot e kësaj dite si barsaletë. Nga ato që janë edhe për të qeshur, edhe për të qarë.
Një situatë të tillë të kujton edhe Lulzim Basha sot, kur gjatë një takimi me qytetarët në Burrel, në përpjekje për ti motivuar ata që të marin pjesë në protestën e 16 shkurtit, deklaroi:
“Europa po pret, i ka sytë nga ne. Në Europë kjo qeveri do të kishte rënë dhe gjysma e saj do të ishte në burg, ndaj më 16 shkurt kjo forcë dhe fuqi është mbi Parlamentin e hajdutëve mbi qeverinë e hajdutëve është Bashkim Europian dhe kushtetues”, tha Basha.
Mirë e ka Lulzim Basha, “Europa po pret, i ka sytë nga ai”. Një Yll i ri i politikës botërore po ngjitet lart në qiellin e Europës për ta ndriçuar atë. Por, ka vetëm një ndryshim shumë të madh veç, mes asaj që lideri i PD të 1991 tregoi në atë fshatin e Durrësit dhe kësaj të sotmes që Lulzim Basha tregoi në Burrel.
Atëherë sapo kishin dalë nga gjysëm shekulli izolin diktaktorial komunist. Ndërsa tani kanë kaluar 28 vjet dhe shqiptarët janë zgjuar, janë shkolluar, kanë udhëtuar e kanë parë botë me sy dhe i japin ujë me bishtin edhe të lugës edhe të pirunit, politikanëve që tregojnë përralla të tilla.
Alpenews.al
