Për herë të parë motrat Vjollca rivalizohen. As për ekran, as për famë, as për bukuri, por për Manushin. Fillimisht punoi Marina me të, në “Procesin Sportiv”. 10 vite kaloi me të Manushi, por sapo e tradhtoi me Luanën. Pyetjes se kush është më e bukur, Marina apo Luana, ai i tha Luanës: “Ti”. Luana iu drejtua direkt nga “Shiko kush luan” të motrës me fjalët: “Marina e shikon”, sikur të kishte fituar një trofe.
U deshën pak javë punë me Luanën, për ta vendosur në rend të parën. Mbase i duket vërtet ajo më e bukur dhe s`është nisur nga fakti që ishte ajo që ia drejtoi pyetjen. Ose mbase Marina tani është grua me burrë, zyrtarisht, dhe ish-kolegu mund ta kishte të vështirë ta zgjidhte. Gjithsesi Luana u kënaq nga përgjigja. Ishte ajo që donte të dëgjonte.