Për herë të parë në Kongresin Amerikan janë dhënë dëshmi për viktimat e luftës së Kosovës.
Shqiptarët e Kosovës rrëfyen ngjarjet e tyre për të kërkuar drejtësi për viktimat e krimeve të luftës në Kosovë, veçanërisht për viktimat e përdhunimeve.
Vasfije Krasniqi-Goodman, e cila u pëdhunua gjatë luftës nga serbët, tregoi me tone emocionale hollësitë e dhimbshme të dhunimit të saj në duart e forcave serbe kur ishte 16 vjeç.
Ajo tha se edhe pse sot jeton në Teksas me dy fëmijët e saj, nuk do të gjejë kurrë paqe pa u vendosur drejtësia.
