Deputeti i Partisë Demokratike, Bardh Spahia ka denoncuar atë që e ka quajtur “farsën e rë të Edi Ramës”.
Ai tha se konkursi për drejtuesit e spitaleve të Shqipërisë është vetëm një fasadë.
Spahia ka renditur 9 fakte, që sipas tij tregojnë mashtrimin e madh të kryeministrit Rama dhe qeverisë së tij.
“1. Premtimin e Edi Ramës se drejtuesit e rinj të spitaleve do të ishin profesionistë të zgjedhur me konkurs e përgënjeshtron fakti se Enkelejdi Joti është rikonfirmuar në krye të Qendrës Spitalore Universitare Nënë Tereza. Ish Drejtori i Përgjithshëm i Top Channel njihet për vënien në shërbim të Edi Ramës të televizionit kombëtar.
2. Në Spitalin e Sanatoriumit është rikonfirmuar një emërim tjëtër i Edi Ramës, Perlat Kapisyzi, bashkëshort i zëvendësministres Mira Rakacolli, këshilltar Ps në minibashkinë 2 gjatë periudhës 2004-2008.
3. Në spitalin e Shkodrës është emëruar një përson tjetër politik, kandidati për deputet i PS në Shkodër, Vilson Masmalaj.
4. Në drejtim të spitalit të Beratit është emëruar, ish deputeti i PS, Eduard Bejko.
5. Në Spitalin e Durrësit është ëmruar me urdhër politik dhe jo me konkurs, kryetari i Këshillit Bashkiak, PS, Alban Ramohitaj.
6. Në spitalin e Dibrës është shpërblyër me vendim politik i akuzuari për blerje votash, eskponent i PS në Dibër, Spartak Koltraka.
7. Në Spitalin e Traumës është emëruar me, Arben Zenelaj, i njohur për lidhjet me PS.
8. Në Maternitetin e Tiranës është emëruar më urdhër politik një tjetër aktiviste e PS, Eliona Demaliaj.
9. Në spitalin e Tropojës është emëruar anëtari i kryesisë së PS Kukës, Ismet Nika.
“Emërime të tilla janë politike dhe nuk i shërbejnë qytetarëve, por partisë në pushtet dhe janë një provë sesi Edi Rama mashtron publikisht qytetarët”, ka deklaruar Spahia.
