PD pritet qe te dorezoje sot ne prokurori ato që ajo pretendon se janë “provat e saj të reja”, në lidhje me çështjen në hetim të ish ministrit të Brendshëm Saimir Tahiri.
Lajmi konfirmohet nga burime të selisë blu të cilave i referohen mediat pranë saj.
Sipas këtyre burimeve në orën 10.45 me cilësinë e sekretarit për Rendin dhe Sigurinë pranë Partisë Demokratike, Enkelejd Alibeaj, pritet të paraqitet pranë Prokurorisë së Krimeve të Rënda.
Aty pritet që të dorëzojë ato që siç pretendohet nga selia e partisë më të madhe të opozitës se janë “fakte dhe provat e reja” në ndihmë të procesit të hetimit ndaj ish ministrit socialist.
Ndërsa në orën 11.00 është njoftuar se Alibeaj, menjëherë pas daljes nga Prokuroria, do të ketë një komunikim me mediat ku do të japi me sa duket detajet më konrete rreth këtij veprimi të PD.
Alpenews.al