Kreu i demokratëve, Lulzim Basha është rikthyer në këtë fillim shtatori me “energji” të reja. Ndonëse Basha sëbashku me aleaten e tij kryesore, Monika Kryemadhi u betuan se “lufta” për rrezimin e Ramës do vijonte edhe gjatë muajve të verës, duket se kjo gjë nuk ndodhi.
Jo vetëm që pushimet e tyre zgjatën edhe më shumë nga çfarë edhe elektorati i tyre priste, por Basha e Kryemadhi duket se muaj pas muaji po shtyjnë rrëzimin e qeverisë Rama duke u kthyer kështu situtatën në disfavor të tyre.
Dy reagimet e fundit të kreut të opozitës në “Facebook”, janë dy video mbi luksin sipas tij, të kryeministrit Rama për akomodimin e zyrave dhe pushimet.
Në to, përveç shprehjes tani në famshme “Rama ik”, nuk ka asnjë rrugëdalje, asnjë zgjidhje e asnjë shpresë per demokratët se si kjo lëvizje do të behet realitet. Pas gati 9 muajsh tanimë e pa sukses, çdo ditë që kalon e bën më të veshtirë misionin e kryeopozitarit.
Basha ndodhet sot padyshim në një nga momentet e tij më të veshtira si kreu i partisë demokratike.
Verën e shfrytëzoi për relaks kur shqiptarëve i premtoi ndryshe, protestat i ka lajmëruar në shtator por mbështetja duket edhe më e vogël se më parë e gjithashtu aleatët kanë ndryshuar mendim mbi negociatat me PS e kryeministrin Rama. Brenda PD duket se ka filluar një lëvizje për rihapjen e partisë nga ish anëtarë të Këshillit Demokrat si dhe ish deputetë, përmendim këtu Arben Ristatnin.
Por nuk përfundon këtu. Lulzim Basha vetëm dy dite me parë shpalli armike pjesën më të madhe të mediave të vendit, duke i prishur jo pak punë opozitës dhe sigurisht, atij vetë.
Përgatiti: AlpeNews.al
