Atalanta dhe Juventus do të ndeshen të martën në mbrëmje në Kupën e Italisë, një ndeshje që do të jetë e vlefshme për fazën gjysmëfinale të këtij kompeticioni. Gjithsesi, atmosfera mes dy ekipeve duket se është shumë e mirë. Në fakt, dy numrat dhjetë të dy ekipeve, Papu Gomez dhe Paulo Dybala, kanë komunikuar me njëri-tjetrin në “Facetime”, duke bërë gjeste “dashamirëse”.
Të dy janë shumë miq dhe kanë kaluar shumë kohë bashkë me kombëtaren e Argjentinës. Gomez do të jetë në fushë kundër Juventus, ndërsa Dybala është akoma i ndalur nga një dëmtim. Sulmuesi bardhezi duhet të jetë në dispozicion për ndeshjen e kthimit kundër zikaltërve, që do të luhet 28 shkurtin e ardhshëm në “Allianz Stadium”.
