Ish-deputeti i PD-së Astrit Patozi ka sjellë në kujtesë udhëtimin në Tropojë me të ndjerin Azem Hajdari në vitin 1997.
Teksa sot u përurua busti i tij në Tropojë, Patozi shkruan se nderimi i vërtetë për Hajdarin shkon përtej asaj shtatoreje.
Statusi i plotë
NDERIMI I VËRTETË PËR AZEM HAJDARIN
Në Tropojë kisha qenë për herë te fundit në verën e 1997-ës. Ishte fushatë dhe mbaj mend që isha në autokolonë vetëm një makinë pas Azem Hajdarit.
Ka qenë udhëtim i vështirë dhe plot tension, në sintoni me kohën e vështirë që kalonte Shqipëria.
Pak më shumë se 20 vjet më vonë, sot e pashë sërish Azemin në qendër të Bajram Currit, të derdhur në bronz.
Shumë ujëra kanë rrjedhur që atëherë, rruga është e qetë dhe pa të papritura, por jeta nuk është asnjëherë e lehtë dhe paqja nuk vjen vetëm atëherë kur nuk ka luftë.
Nderimi i vërtetë për Azem Hajdarit shkon përtej asaj shtatoreje, e cila prej sot do të zbukurojë sheshin e vendlindjes së tij.
Ai është në fakt një ftesë për kurajo dhe guxim për çdo njeri të lirë, që bën betejë për vlerat që beson.
