KPA ka vendosur sot shkarkimin nga detyra te Bashkim Dedjas, kreut te Kushtetueses. Vendimi vjen pas ankeses se ONM-se.
Kujtojme se KP ankimoi vendimin e KPK, vetem pak kohe, pasi ky i fundit vendosi se gjyqtari e kalonte testin e vetingut.
Problem eshte pasuria, dhe debati eshte bere per burimin e blerjes se nje apartamentj ne Tirane. Per apartamentin ne Tirane, gjyqtari kishte deklaruar si burim te ardhurash, nje borxh nga i vellai qe punonte emigrant ne Greqi, mirepo nga verifikimet ka dale se vellai ne kohen kur pretendohet se ka dhene borxhin, ka qene vete kredimarres.
Fill pas vendimit te KPK, ONM depozitoi kërkesen dhe argumentet përkatëse në lidhje me ankimin kundër vendimit të Komisioni të Pavararur të Kualifikimit për Dedjan.
Gjyqtari Bashkim Dedja i cili kaloi vettingun, u perball edhe me Komisionin e Posaçëm të Apelimit.
Në Kolegjin e Posaçëm të Apelimit u regjistrua çështja (JR ) Nr. 10/2018, datë 31.07.2018 që i përket ankimit të Komisionerit Publik, kundër vendimit nr. 24, datë 13.06.2018 të Komisionit të Pavarur të Kualifikimit, që lidhet me procesin e rivlerësimit kalimtar të subjektit të rivlerësimit z. Bashkim Dedja.
Trupi gjykues i caktuar me short ishte i përbërë si më poshtë vijon:
Kryesues: Ardian Hajdari
Relator: Luan Daci
Anëtarë: Albana Shtylla, Natasha Mulaj, Rezarta Schuetz
Ankimimi i ONM
Më datë 26.7.2018, Komisioneri Publik, në ushtrim të funksionit të tij kushtetues, depozitoi pranë Komisionit të Pavarur të Kualifikimit ankimin ndaj vendimit nr. 24, datë 13.6.2018, për subjektin e rivlerësimit z. Bashkim Dedja.
Komisioneri Publik, pasi shqyrtoi vendimin e mësipërm të Komisionit të Pavarur të Kualifikimit, si dhe mori në konsideratë rekomandimin e paraqitur nga Operacioni Ndërkombëtar i Monitorimit për të paraqitur ankim, vlerëson se bazuar në provat dhe faktet e administruara nga Komisioni i Pavarur i Kualifikimit, subjekti i rivlerësimit, z. Bashkim Dedja, nuk arrin një nivel të besueshëm në vlerësimin e pasurisë.
Nëpërmjet këtij ankimi, Komisioneri Publik kërkon nga Kolegji i Posaçëm i Apelimit të marrë në shqyrtim çështjen në seancë gjyqësore dhe në përfundim të gjykimit të ndryshojë vendimin nr. 24, datë 13.6.2018, duke vendosur shkarkimin nga detyra të subjektit të rivlerësimit z. Bashkim Dedja, kryetar i Gjykatës Kushtetuese.
