Vendimi i bojkotit të zgjedhjeve të 30 qershorit nuk solli suksesin që pritej për forcat politike opozitare. Pas vendimit të mosmarrjes pjesë në zgjedhje dhe humbjes së të gjithë pushteteve, partitë opozitare duket se po kapen pas fijes së fundit të mundësisë për të pasur pushtet, që janë zgjedhjet e parakohëshme të 13 tetorit, dekret ky i vendosur nga Presidenti Meta. PD, PR, PDK, PBDNJ, LZHK, LSI dhe PAD, me bojkotimin e zgjedhjeve të të 30 qershorit, partitë kanë humbur dhe të drejtën për të përfituar buxhetin e shtetit për zgjedhjet e 2023.
Aleatët e Lulzim Bashës vijojnë të shlyejnë kreditë për shtëpitë dhe arsimim. Fatmir Mediu, kryetari i PR, gjatë 2018 ka arritur të mbledhë rreth 26 mijë euro.
Sipas formularit të deklarimit të pasurive, të ardhurat e tij vijnë nga interesat bankare, paga si deputet, si dhe shitja e një automjeti me vlerën 7 mijë eurove.
Mediu ka paguar gjatë vitit të shkuar 2400 euro për kredinë, ndërsa i ka mbetur për të shlyer edhe 18 mijë euro.
Ndërsa aletati tjetër i opozitës së bashkuar, Nard Ndoka, ka arritur të mbyllë kredinë e marrë në 2016 me vlerë 16 500 euro, por ka edhe një hua të marrë në të njëjtin vit prej 35 mijë eurosh që duhet ta shlyejë. Por edhe pse në disa nga llogaritë e kreut të PDK-së gjatë 2018 kanë patur rënie me vlerë 2600 euro, të ardhurat vjetore të tij janë pothuajse dyfish më të larta se të Fatmir Mediut.
Paga si deputet dhe interesat bankare kanë çuar në portofolin e Vangjel Dules 26 mijë euro, por ka shpenzuar për të paguar edhe këstet e kredisë, për të cilën me këto ritme i duhen ende kohë për ta mbyllur pasi rezulton në vlerën e 10 500 eurove. Edhe për të studiuar, aleati i Bashës ka marrë një kredi studimi nga një OJF britanike me vlerë 10 mijë euro.
I vetmi nga opozita e bashkuar që nuk i duhet të mendojë për këstet bankare është Dashamir Shehu. Falë pronave, punës si deputet dhe mësidhënies, kreu i LZHK-së nuk e ka patur të nevojshme të marrë kredi për të mbyllur nevojat familjare. Gjatë 2018 ai ka arritur të mbledhë në buxhetin e tij 32 mijë euro.
Të ardhurat e aleatëve në euro
Fatmir Mediu 26 000
Vangjel Dule 26 300
Dashamir Shehi 32 000
Nard Ndoka 47 600
Vangjel Dule në 2018
Të ardhura- 26 300 euro
Detyrime
Kredi- 10 509 euro
Kredi studimi- 10 000 euro
Nard Ndoka në 2018
Të ardhura- 47 600 euro
Hua- 35 000 euro
Fatmir Mediu në 2018
Të ardhura- 26 000 euro
Kredi për të shlyer- 18 000 euro
