Kryetarja e Kuvendit Elisa Spiropali po zhvillon një takim të paparalajmëruar me presidentin e vendit, Bajram Begaj.
Vizita e Spiropalit në Presidencë vjen në një kohë kur situata politike në vend është e tensionuar. Nga raportimet mësohet se në qendër të takimit mund të jenë zhvillimet politike në vend, veçanërisht pas tensioneve dhe përplasjeve që janë krijuar në sallën e Kuvendit dhe jashtë saj mes deputetëve opozitarë.
Takimi vjen 4 ditë para protestës së paralajmëruar nga opozita, e cila do të mbahet pasditen e së hënës. Gjithashtu mes dy drejtuesve më të lartë të shtetit mund të diskutohet edhe data se kur do të mbahen zgjedhjet parlamentare të vitit të ardhshëm.
