Këshilli Politik do të mblidhet sot me kërkesë të OSBE në Tiranë. Mbledhja do të mbahet në orën 19:30 teksa gazetari Osman Stafa raporton për BalkanWeb se opozita konfirmon pjesëmarrjen e saj me dy anëtarët Oerd Bylykbashin dhe Petrit Vasilin.
Ende nuk ka një konsensus të plotë për Reformën Zgjedhore. Duket se ngërçi mbetet tek depolitizimi i administratës zgjedhore teksa ambasadorja Yuri Kim tha ditë më parë se tashmë topi për marrëveshjen është në fushën e Bashës.
