Fatos Lubonja ka folur për negociatat për reformën zgjedhore.
Ai tha për News 24, se “fati i saj është vendosur”.
Lubonja u shpreh skeptik sa i përket bisedimeve të ambasadores së SHBA me përfaqësues të Këshillit Politik, ndërsa tha se “duket sikur po flasin grupe mafioze, me disa mesazhe”.
Lubonja tha se ka njerëz që duan ndryshime përtej partive, ndërsa u shpreh me bindje se “fati i reformës është vendosur nga disa ambasadorë, dhe nga një kryeministër që kap gjithë pushtetet”.
“Presidenti herë pas here duket sikur ngre pak krye nga diktatura e ambasadorëve mund të reagonte njëçik më ndryshe në raport me atë që mendoj se duket sheshit që këtu ka një regres.
Demokracia është vullnet i të gjithëve. Mënyra si po menaxhohet, në rezidencën e ambasadores, me dy tre përfaqësues, me disa mesazhe sikur po flasin grupe mafioze, por dhe një ambasadore e një vendi demokratik jo vetëm që i mbledh në rezidencë, nuk respekton dinjitetin e popullit shqiptar, por edhe se topi është në duart e mikut tim Luli Basha, pra janë mesazhe jodemokratike.
Edhe Basha s’mund ta marrë vetë atë, nuk vendos kryetari për çdo gjë, vendos partia jo gjithmonë kryetari. Janë dhe disa të rinj që duan lista të hapura dhe që kur thotë kështu Kim nuk reagon fare.
Ka njerëz që duan ndryshime përtej partive, dhe askush nuk flet për këto. Presidenti në emër të dinjitetit të Shqipërisë, por edhe drafti që duhet ta firmosë Lulzim Basha është problem, pra janë mesazhe që janë vendosur, fati është vendosur nga disa ambasadorë, dhe nga një kryeministër që kap gjithë pushtetet, tani këta vendosin për ne, opozita nënshtrohet, ky është shqetësimi im i parë”, tha Lubonja.