Shtetet e Bashkuara të Amerikës do të pranojnë të paktën 50 mijë afganë të evakuuar pas rënies së Kabulit në duart e talebanëve.
Lajmi është bërë i ditur nga Ministri Amerikan i Sigurisë, Alejandro Mayorkas.
Majorkas tha se pranimi i afganëve ishte pjesë e “angazhimit të përhershëm” të Uashingtonit ndaj njerëzve që ndihmuan amerikanët gjatë luftës në Afganistan dhe të tjerëve që u kërcënuan nga ardhja e talebanëve në pushtet.
Më shumë se 40 mijë afganë kanë kaluar tashmë kontrollet e sigurisë dhe kanë mbërritur në Shtetet e Bashkuara.
Ende nuk dihet me saktësi se sa të tjera do të vijnë në Shtetet e Bashkuara ose sa kohë do të marrë procesi i transferimit të tyre nga vendet e tjera, të cilat i kanë pranuar përkohësisht.
