Ambasadorja e re e SHBA-së në Shqipëri Yuri Kim pasditen e sotme në orën 17:30 do të takojë opozitën jashtëparlamentare, kryetarin e PD-së, Lulzim Basha dhe kryetaren e LSI-së, Monika Kryemadhi për të diskutuar mbi situatën politike. Takimi nuk do të zhvillohet në asnjërën prej dy selive të dy partive më të mëdha në opozitë, por te ‘Rogner’.
Pas mbërritjes në vendin tonë si drejtuese e ambasadës së SHBA-së, Kim ka zhvilluar disa takime me kryetarin e Kuvendit, prokurorin e përgjithshëm, ministra dhe zyrtarë të tjerë. Sot Kim takoi edhe drejtuesin e SPAK-ut, Arben Kraja, ndërsa ambasada e SHBA në faqen e saj zyrtare në Facebook ka zbardhur detaje nga biseda.
“Takimi i sotëm i Ambasadores së Shteteve të Bashkuara Yuri Kim me prokurorët e Zyrës së Prokurorisë së Posaçme ofroi një mundësi të shkëlqyer për të shkëmbyer pikpamjet mbi ndihmën e vazhdueshme teknike të Shteteve të Bashkuara, ndërsa ata përballen me krimin e organizuar dhe hedhin hapat e para për të themeluar Byronë Kombëtare të Hetimit. Shba Qendron Krah Shqiperise” thotë ambasada.