Sekretarja e Bashes ne PD, njeheresh dhe zedhenese e grupit parlamentar te kesaj partie, eshte rikthyer permes deklarimeve publike, pas nje heshtje te gjate.
Duma nuk dilte ne publik, qe ne momentin fatkeq kur quajti Berishen “koleg”, duke i mohuar vetes jo vetem deklarimin ne emer te grupit parlamentar te PD, por dhe daljen publike.
Dhe kete here per te thene se modeli i Partisë Laburiste Skoceze, parti e majte kjo, në lidhje me kodin e integritetit dhe etikës së politikanit duket se është modeli më i konsoliduar dhe që u nevojitet partive shqiptare.
Deputetja e Partisë Demokratike, Grida Duma, shkruan në “Facebook” se me mbështetjen e Institutit Demokratik Amerikan, u zhvillua Forumi i Partive Politike të Europës Juglindore, me fokus të veçantë integritetin e figurës politike.
Në këtë takim është folur për Kodin e Integritetit. “Integriteti moral i figurave politike dhe kodi i sjelljes së politikanit, i cili nuk mund dhe nuk duhet të limitohet në respektimin e ligjit”, shkruan deputetja demokrate në një status të saj në “Facebook” për këtë takim.
Sipas saj, organizatorët kanë sjellë si modelin referues atë të statutit të Partisë Laburiste Skoceze, e cila ka, sipas saj, një kushtetutë të brendshme.
“Ndër të tjera u mor në ilustrim Partia Laburiste Skoceze, si një parti me ‘kushtetutë të brendshme’ prej më shumë se njëqind faqesh, në të cilën përcaktohen në detaje rastet kur integriteti moral i politikanit është në shkelje të moralit dhe etikës si model për qytetarët”, shkruan deputetja e PD-së.
Sipas Partisë Laburiste Skoceze, në statutin e saj përcaktohen të gjitha rastet kur duhet që politikani të japë dorëheqje.
“Pavarësisht nëse politikani ka shkelur ose jo një ligj, kushtetuta e brendshme e Partisë Laburiste Skoceze përcaktonte cilat ishin rastet kur duhej dhënë dorëheqja apo figura politike duhet të pezullohej nga çdo funksion në politikë nëse thyhej ky kod”, shkruan deputetja Duma.
Gjatë Forumit të Partive Politike të Europës Juglindore, është folur konkretisht dhe për jetën e brendshme të partive politike shqiptare.
“Duke folur për standardet e domosdoshme të integritetit të politikanit, u diskutua për problematikat e partive politike në Ballkanin Perëndimor dhe se cilat standarde duhet të përmirësoheshin brenda partive politike në rajon. Ky ishte një mesazh i rëndësishëm për aktualitetin politik shqiptar”, shkruan deputetja e Partisë Demokratike në “Facebook”.
