Presidenti Biden ka reaguar zyrtarisht pas takimit te NATO-s dhe bisedës me Zelenskyt. Ai tha se bashkë me aleatët e NATO-s diskutuan angazhimin e përbashkët për mbrojtjen kolektive dhe sigurinë transatlantike.
“Ndërsa Presidenti Putin kërcënon vetë themelet e paqes dhe sigurisë ndërkombëtare, NATO po demonstron edhe një herë se qëndron për lirinë dhe demokracinë”, tha Presidenti në një deklaratë.
Biden u zotua përsëri se SHBA do të mbrojë territorin e NATO-s.
“Ne u bashkuam sot nga partnerët tanë të ngushtë Suedia, Finlanda dhe Bashkimi Evropian,” thuhet në deklaratë. “Presidenti Putin ka dështuar në qëllimin e tij për të ndarë Perëndimin. NATO është aq e bashkuar dhe e vendosur sa ka qenë ndonjëherë, dhe NATO do të të mbajë dyert e hapura për ato shtete evropiane që ndajnë vlerat tona dhe që një ditë mund të kërkojnë të bashkohen me Aleancën tonë.”
Menjëherë pas samitit, Biden tha se u takua me presidentin ukrainas Volodomir Zelensky dhe “përgëzoi veprimet e guximshme të popullit ukrainas që po luftonte për të mbrojtur vendin e tyre”.
“Kam përcjellë gjithashtu mbështetjen e vazhdueshme ekonomike, humanitare dhe të sigurisë që ofrohet nga Shtetet e Bashkuara, si dhe përpjekjet tona të vazhdueshme për të mbledhur vendet e tjera për të ofruar ndihmë të ngjashme”, shkroi Biden.
