PAS BARAZIMIT ME LAÇIN/ Daja: Jemi të kënaqur me barazimin, nuk meritonim…

Ilir Daja trajneri i Flamurtarit, ka folur menjëherë pas barazimit të skuadrës së tij me Laçin i kënaqur me këtë pikë. Skuadrat nuk kanë shënuar asnjë gol dhe rastet sipas tij nuk ishin në sasinë e duhur. Daja u shpreh se nuk meritonte më shumë nga kjo lojë skuadra e tij me atë që ka prodhuar në fushën e lojës.
Sa i kënaqur je me këtë pikë?
Me atë që prodhuam në fushën lojës, jemi të kënaqur me barazimin. Ka pasur kontrollin e territorit Laçi. Me lojtarët që kemi pasur në dispozicion, kemi bërë atë që duhej. Në fund fare sot jemi të kënaqur me barazimin. Nuk meritonim më shumë.
Do ta sulmoni Europën?
Po normal. Ndodhemi në një pozicion që jo vetëm matematika na lejon, por edhe diferencat na i lejojnë. Kemi dhe tre javë për ndeshjen e rradhës. Me rikthimin e Bathës, do ta synojmë objektivin.
Sulmi me dy ishte zgjedhje taktike? Rrapaj?
E filluam me dy sulmuesa për të sulmuar më shumë. Donim të merrnin sa më shumë nga Sukaj, Ribajin e spostuam, pasi ka bërë sakrificë dhe e falenderoj. Batha na i bëri pak më të vështirë me mungesën e tij. Nuk e kemi kërkuar drejt shfrytëzimin e tyre.
Rrapaj ka një personalitet të madh, pavarësisht mungesës së eksperiencës
Sa mendoni Europën dhe sa mundësi ka ekipi?
Klasifikim dhe diferenca për ekipet e zonës së Europës na i lejon ta bëjmë. Kontigjentin nuk e kemi të plotë edhe pse janë djem të rinj.
Do i bëjnë mirë Flamurtarit këtë të rinj?
Këta të rinj janë stërvitur me ekipin e parë që në verë. Janë lojtarë me cilësi të mira individuale,. Minutazhi që marrin ndihmon ata dhe ne në të ardhmen. Nesër mund të jenë pjesë e fortë e së ardhmes.