Dy miq të mirë zbuluan pas 60 vitesh miqësi, se në të vërtetë ishin vëllezër biologjikë.
Shtetasit nga Hawaii, Alan Robinson dhe Walter Macfarlane, të cilët kanë vetëm 15 muaj diferencë në moshë, u njohën kur ishin në klasën e gjashtë.
Përveç afërsisë së moshës, djemtë u lidhën edhe pasi e vuanin mungesën e familjes. Robinson u adoptua dhe Macfarlane kurrë nuk e ka njohur babanë e tij.
Dy burrat nga Oahu qëndruan miq gjatë 60 viteve të fundit. Megjithatë, Macfarlane zbuloi të vërtetën, pasi kërkoi në një faqe interneti me të dhëna të ADN-së, me shpresën se mund të identifikonte të afërmit – dhe gjeti emrin e përdoruesit Robi737 në krye të listës.
Pas gërmimeve të mëtejshme, Macfarlane e kuptoi se Robi737 nuk ishte askush tjetër përveç shokut të tij më të mirë – i cili gjithashtu kishte kërkuar në faqe për përgjigje. Ata kishin ADN të njëjtë, kromozome identike dhe kuptuan të vërtetën që qëndronte pas lidhjes së tyre.
Që nga zbulimi i së vërtetës, vëllezërit kanë ndarë lajmin e lumtur me familjet e tyre. Sa i përket të ardhmes, vëllezërit, të cilët kanë dalë në pension, kanë bërë plane për të udhëtuar së bashku dhe për të jetuar të lumtur përgjithmonë.
