Parandalohet ngjarja kriminale në Durrës. Një 40 vjecar ka rënë në pranga e policisë pasi kërkëcoi me armë për ta vrarë bashkëshorten e tij, e cila ishte me urdhër mbrojtje.
Burime zyrtare të policisë, thanë se në kuadërt të operacionit “Shkallnuri” arrestuan 40 vjecarin Lulzim Haxhiu, i dyshuar se do kryente krim në familje.
Dyshohet se 40-vjeçari po kërkonte bashkëshorten për ta vrarë, e cila ishte larguar nga banesa, së bashku me fëmijët. Për shkak te dhunës së ushtruar nga 40-vjecari, gruaja ishte e pajisur me urdhër mbrojtjeje nga Gjykata e Durrësit, që prej datës 04.05.2023.
Njoftimi i policise:
Finalizohet opracioni policor i koduar “Shkallnuri”.
Me armë zjarri me vete, me të cilën dyshohet se do të kryente krim në familje ndaj bashkëshortes së tij, e cila ishte me urdhër mbrojtjeje, kapet dhe vihet në pranga 40-vjeçari.
Sekuestrohen një armë zjarri automatik MPSH dhe municon luftarak.
“Më erdhi fjala, por i thashë larg qoftë”, Rama tregon për kërkesën e Luizit për Big Brother Vip
Shërbimet e Komisariatit të Policisë Durrës, falë inteligjencës informative se një shtetas po qarkullonte me armë zjarri në fshatin Shkallnur, Durrës, dhe dyshohet se do kryente krim në familje, menjëherë kanë organizuar punën për parandalimin e ngjarjes dhe kapjen e shtetasit që qarkullonte me armë zjarri.
Falë vlerësimit në kohë reale të informacionit, si dhe reagimit të menjëhershëm të strukturave të Policisë Durrës, në kuadër të operacionit policor të koduar “Shkallnuri”, u bë lokalizimi, kapja dhe arrestimi në flagrancë i shtetasit Lulzim Haxhiu, 40 vjeç, banues në fshatin Shkallnur, Durrës.
