Rrugët e Shqipërisë po përgjaken gjithnjë e më shumë nga aksidentet rrugore që duket se nuk kanë të sosur.
Ditën e djeshmë një grua shtatzënë mbeti e vdekur në vend e tre të tjerë u plagosën. Tragjedi kjo, e cila erdhi nga një factor i vetëm, ai i parakalimit të gabuar.
Rastet të tjera të ngjashme, janë po aq tragjike e ndoshta më shumë. Kujtojmë se një nga tragjeditë më të mëdha të aksidenteve rrugore, ishte ajo e familjes Preka në Velipojë, që vetëm prej manovrës së gabuar patën fatin e tmerrshëm dhe u shuan, përveç gruas që fatmirësisht shpëtoi.
Aksidenti në Fier dje, vdes gruaja shtatëzënë
Pamje nga aksidenti
Aksidenti i rëndë automobilistik ndodhi paraditen e djeshme në aksin rrugor Fier- Levan, ka shkaktuar vdekjen e një 26-vjeçareje. Në aksident u përfshinë dy automjete, një makinë tip “Benz” dhe një tjetër “Audi”.
Majlinda Troka, 26 vjeçe dhe shtatëzënë, mbeti e vdekur, ndërsa e plagosur në gjendje të rëndë mbeti vajza e saj vetëm 7 vjeçe. Kurse tre persona të tjerë, Klaudia Troka, 44 vjeç, Astrit Troka, 58 vjeç dhe Laurent Troka, 31 vjeç, morën dëmtime të lehta.
Sot:Edmond Asllani është arrestuar pas aksidentalit të një dite më parë në Fier, ku një grua shtatzënë humbi jetën. 31-vjeccari akuzohet për shkelje të rregullave të qarkullimit rrugor. Konkretisht, dyshohet se ai ka hyrë në parakalim të gabuar, manovër që ka sjellë aksidentin tragjik.
Rastet:
Shuhet familja Preka në Velipojë. Shkaku: Aksident me parakalim të gabuar
Një nga aksidentët më t1% rëndë e tragjeditë më të medha. Aty ku humbën jetën babai dhe tre fëmijët në aksident, ndërsa gruaja e tij u plagos.
Shkak i aksidentit nga të dhënat e para u raportua se ka qenë shpejtësia dhe mungesa e ndriçimit në rrugë, por më pas nga ekspertiza u zbulua se gjithçka ka nisur nga parakalimi i gabuar i mjetit tip fuoristradë në të cilin po udhëtonin Sokol Mullaj 49 dhe Ndrek Gjergji 50-vjeç.
Në rrugën e plazhit në Velipojë, fuoristrada është futur në parakalim të gabuar, madje ka qenë me shpejtësi, ndërsa mungesa e ndriçimit ka bërë që të përplaset me ‘Alfa Romeon’ që po udhëtonte familja Preka.
Aksidenti në Elbasan, viktimat: Motër e vëlla, nënë e bijë
Në aksident janë përfshirë tre automjete, një furgon pasagjeresh me targa LB 001A, një maune me targa KO1025A si dhe nje automjet tjetër, tip BMW me targa AA971 EA.
Nga aksidenti kane vdekur 4 persona, tre femra dhe nje burre ndersa ka dhe disa te plagosur.
Ata jane bashkeshortet Fetah dhe Ryfete Çela perkatesisht 53 dhe 48 vjeç. Dy viktimat e tjere jane nene e bije, Nesiba Shehi 64 vjeç dhe Salushe Kullafi 44 vjeç. Shkak i aksidentit është bërë parakalimi i gabuar i furgonit me pasagjerë. Nderkohe qe i plagosur ka mbetur dhe drejtuesi i furgonit, 45-vjecari Eduart Shkurti.
Aksident tragjik në Levan-Tepelenë, 3 të vdekur, 6 të plagosur
Një aksident i rëndë rrugor i ka marrë jetën 3 personave ndërsa 6 të tjerë kanë mbetur të plagosur në aksin rugor Levan- Tepelene.
Parakalimi i gabuar i një furgoni ka shkaktuar tragjedinë, ku u përfshinë 4 mjete, mes tyre një kamion i parkuar buzë rrugës.
Sipas hetimeve të para një furgon mallrash me targa AA 881 GJ, ka parakaluar gabimisht duke u përplasur me një mjet Reno me targa AA 955 DX .
Pas goditjes nga furgoni, Renoja është përplasur me kamionin me targa TR 0699 C, i cili qëndronte i parkuar në anë të rrugës, pasi shoferi kishte ndaluar për të mbushur ujë në një kanal vaditës. Pas dy përplasjeve dy personat që udhëtonin në makinën Reno, Haxhi Mani nga Kurja dhe Jeton Pashaj nga Fieri kanë vdekur në vend.
Ndërkohë edhe furgoni është përplasur për herë të dytë me një makinë tip benc , dhe pas disa rrotullimesh ka përfunduar në një arë. Nga përplasja e fortë, drejtuesi i furgonit Shkëlqim Zaimi nga Vlora ka dalë nga makina duke gjetur vdekjen. Ndërsa 6 personat që udhëtonin në makinën tip Benz me targa AA 764 DA janë plagosur.
Përgatiti: AlpeNews.al
