Lideri komunist i Koresë Veriore, Kim Jong-un, është fotografuar duke kalëruar me një kalë të bardhë në pikën më të lartë mbidetare të vendit të tij, në malin Paektu.
Agjencia shtetërore e lajmeve e Koresë Veriore, KCNA, i publikoi pamjet e diktatorit të hipur në kalë të bardhë, i cili vraponte me shpejtësi në malin e mbuluar me borë.
Kjo nuk është hera e parë që Jong-un ngjitet në majën më të lartë. Analistët thonë se lideri e bën këtë gjest zakonisht para marrjes së ndonjë vendimi të madh.
Ky mal ka rëndësi të veçantë për identitetin e Koresë Veriore, sepse cilësohet si vendlindje e babait të Kim Jong-unit.
“Kalërimi i tij në malin Paetku është një ngjarje e madhe me peshë të rëndë në historinë e revolucionit Korean”, thuhet në njoftimin e agjencisë koreane të lajmeve.
Në vitin 2017, ai e kishte vizituar këtë mal vetëm disa javë para fjalimit të vitit të ri, ku kishte njoftuar për fillimin e marrëdhënieve diplomatike me Korenë Jugore, shkruan “BBC”