Kryeministri Edi Rama është ndaluar sot në një nga problemet serioze në vend, cështja e papunësisë. Në takimin e sotëm, Rama ka deklaruar se në vend numërohen 83 mijë punëkërkues, duke pranuar se kjo është padyshim një shifër e lartë, por ka shtuar se ishin më parë 150 mijë vetë.
“Përtej gjithë llafeve që nuk dua ti hedh poshtë, pasi papunësia është një problem serioz dhe punësimi domosdoshmëri klithëse, por sot në vend ne kemi normën më të ulët të papunësisë relative të 25 viteve të fundit, është fakt. Kujtdo që hidhet përpjetë për të thënë jo, nuk është e vërtetë, ka fakte, janë të ardhurat nga puna, se kjo është lehtësisht e verifkueshme, flasim për njerëz që janë në librat e llogarive të shtetit”- tha Rama.
Ai ka deklaruar se duhet trokitur në zyrat e punës, të cilat do të punojnë për realizimin e objektivit për punësimin. “Patjetër që do ketë dëshmorë, në radhët e atyre që drejtojnë zyrat nëse nuk realizojnë objektivin e kërkuar”- tha ai.
