Një alarm i dyshimtë në një shkollë fillore në Berlin vuri në lëvizje autoritetet gjermane. Policia mbylli shkollën, ndërsa u evakuuan nxënësit dhe mësuesit për shkak të një situate potencialisht të rrezikshme, sic e quajti policia.
Incidenti ndodhi në zonën Gesundbrunnen të kryeqytetit gjerman, por pas kontrolleve rezultoi se nuk kishte asnjë rrezik.
Fillimisht pas marrjes së informacionit, policia i bëri thirrje të gjithë banorëve që të shmangin këtë zonë.
Mediat gjermane raportuan se para operacionit të policisë, disa dëshmitarë kishin parë njerëz të dyshimtë që të hynin në shkollë.
“Policia mori një telefonatë nga një person i cili pretendonte se kishte parë dy persona të dyshimtë që hynë në shkollë”, tha zëdhënësi i policisë Thomas Neuendorf, i cili shtoi se zyrtarët ende nuk kanë gjetur ndonjë person të dyshimtë.
