Një panair me prodhime të zonës është mbajtur në Roshnik të Beratit. Në këtë panair marrin pjesë fermerë nga e gjithë zona, të cilat kanë prezantuar aty produktet tipike të zonës.
Nën kryetarja e bashkisë së Beratit tha se ky panair është një mundësi e mirë për të promovuar jo vetëm prodhimet bujqësore, por edhe bukuritë natyrore të kësaj zone, që do të ndihmonte në rritjen e numrit të turistëve dhe ne zhvillimin ekonomik të saj.
Një atmosferë të ngrohtë dhe festive krijoi koncerti i artistëve të Qendrës Kulturore “Margarita Tutulani” dhe Grupi Artistik i Qypërlinjve. Përfaqësuesit e Bashkisë, të organizatave dhe të shoqatave të ndryshme vizituan kantinën e verës të Roshnikut, ndërsa në sheshin pranë saj, adhuruesit e sportit të qitjes morën pjesë në qitjen me pjatel.
