Të paktën 21 persona, përfshirë një fëmijë, një djalë 12-vjeçar kanë mbetur të vdekur në sulmet me raketa ruse gjatë natës në rajonin jugor të Ukrainës, në Odesa, konfirmuan zyrtarët ukrainas.
Shërbimi i emergjencës shtetërore, DSNS, thotë se 16 persona u vranë në një ndërtesë nëntë katëshe të goditur nga një raketë në fshatin Serhiyivka.
Pesë persona të tjerë, përfshirë fëmijën, u vranë në një sulm tjetër në fshat.
Rusia ka lëshuar dhjetëra raketa në qytetet e Ukrainës në ditët e fundit.
Të premten, zëdhënësi i Kremlinit Dmitry Peskov mohoi përsëri se Rusia po godiste objektiva civile.
“Ne dëgjuam tre shpërthime dhe tani nuk ka mbetur asgjë nga qendra e rekreacionit,” tha për BBC banorja lokale Yulia Bondar, 60 vjeç.
“Fshati është shumë i qetë, nuk e kishim menduar kurrë se kjo mund të ndodhte”, vijoi ajo.
DSNS publikoi pamjet që tregojnë zjarrfikësit duke kërkuar për të mbijetuar në rrënojat e ndërtesës nëntë katëshe.
Ata gjithashtu u filmuan duke mbajtur trupin e një prej viktimave.
DSNS thotë se 38 persona, përfshirë gjashtë fëmijë, u plagosën nga sulmet e fundit ruse.
Rreth 150 njerëz besohet të kenë jetuar në ndërtesën e goditur.
Zyrtarët ukrainas thanë se tre raketa u lëshuan nga avionët luftarakë rusë mbi Detin e Zi.
Zelenskyy: Sulmi në Odesa është terror i qëllimshëm rus
Në fjalimin e tij të natës, presidenti Volodymyr Zelenskyy ka thënë se bombardimet e Rusisë në rajonin e Odesa janë “terror i qëllimshëm rus”.
“Theksoj: ky është një terror rus i qëllimshëm, jo ndonjë gabim apo sulm aksidental me raketa, kanë mbetur të vrarë katër persona nga një familje… Djali i vrarë, 12 vjeç, quhej Dmytro… Deri tani. , në listën e të vdekurve janë 21 persona dhe të plagosur rreth 40. Shifrat kanë ndryshuar gjatë gjithë ditës, fatkeqësisht numri i të vdekurve po rritet”.