Tre makina janë djegur gjatë natës në Lushnje. Ngjarja ka ndodhur në afërsi të komisariatit në qendër të qytetit. Mjetet ishin të parkuara në zonë sigurie, ndërkohë që ngjarja ka ndodhur rreth orë 3 të mëngjesit.
Mjetet janë djegur plotësisht, dhe nga zjarri është dëmtuar pjesërisht edhe një magazinë aty pranë. Ndërhyrja e zjarrfikëse nuk ka bërë të mundur që të shmang dëmin material të krijuar.
Policia njofton se rreth orës 03:15 në lagjen “Çlirimi”, në parkimin e jashtëm të një qendre tregtare, ka rënë zjarr në automjetin tip “Benz” në pronësi të shtetasit N. K., dyshohet si pasojë e një shkëndijë elektrike në automjet.
Për pasojë janë djegur edhe automjetet tip “Audi” dhe “Fiat” të parkuar pranë automjetit tip “Benz”. Në vendngjarje kanë shkuar shërbimet e policisë dhe zjarrfikësja, dhe kanë bërë të mundur shuarjen e flakëve.
Grupi hetimor po punon për zbardhjen e plotë të kësaj ngjarje.