Protesta e 14-të masive përpara Kryeministrisë ka kaluar në një tjetër fazë, pasi qytetarët e mbledhur masivisht kanë nisur një marshim gjigant nëpër rrugët kryesore të kryeqytetit.
Pamjet me dron mbi bulevardin “Dëshmorët e Kombit” tregojnë një oqean të vërtetë njerëzish që ka paralizuar plotësisht qendrën e Tiranës. Siç u raportua edhe më herët, dendësia e turmës ishte aq e madhe sa shtrihej nga godinat qeveritare e deri te Sheshi “Skënderbej”.
Me thirrjet e vazhdueshme “Rama ik” dhe parullat e prera kundër korrupsionit të të gjithë krahëve politikë, kjo masë e jashtëzakonshme qytetarësh po marshon në shenjë revolte.
