Aleks Vishaj, 34 vjeçari që u shoqërua nga policia ditë më parë për shkelje të normës së lejuar të shpejtësisë teksa shfaqej duke ecur me shpejtësi 305 km në orë në tunelin e Kalimashit, ka qenë i ndaluar edhe më parë për të njëjtën arsye.
Në pamjet e siguruara, është momenti i shoqërimit të tij një vit më parë, kur policia rrugore konstatoi se i riu po qarkullonte mbi normat e shpejtësisë së lejuar.
Pavarësisht ndalimit të tij, Vishaj nuk ngurroi të bënte sërish të njëjtin gabim pak ditë më parë, ku ndërsa qarkullonte me shpejtësi 305 kilometra në orë, rrezikoi jetën e pasagjerëve që ndodheshin në automjetin tjetër të cilin për pak e përplasi.
Për ngjarjen e ndodhur, policia mori masën e bllokimit të automjetit të Vishajt dhe gjobitjen e tij me 100 mijë lekë të reja.