Dritan Dajti, i dënuar për vrasjen e 4 efektivëve të policisë më 7 gusht të vitit 2009, ka lënë sot qelinë e burgut të Peqinit për të marrë pjesë në funeralin e të ëmës në Tufinë. Nën masa të rrepta sigurie, i shoqëruar me dhjetëra Forca Speciale të Burgjeve, forcat Speciale e forcat RENEA, Dritan Dajti iu bashkua për disa orë të afërmve të tij për t’i dhënë lamtumirën e fundit të ëmës.
I lidhur me pranga me efektivë të policisë, me syze të zeza dhe i veshur me një bluzë blu të errët, Dajti shihet buzë varrit të së emës, siç duket edhe në këtë video.Më pas, Dajti u kthye në ambientet e burgut të Peqinit ku vuan dënimin, një dënim ende i diskutueshëm dhe në proces gjyqësor, pasi dënimi me 25 vite burg ka përfunduar, ndërkohë që Dajti e cilëson të paligjshëm vendimin për burgim të përjetshëm.
VIDEO
VIDEO
