Fotot prekëse që tregojnë foshnjat e lindura në zonat e luftës në Ukrainë, duket se po ofrojnë momente shprese, gëzimi dhe guximi në orët më të errëta të vendit.
Pavarësisht bombardimeve të pamëshirshme të trupave të presidentit rus, Vladimir Putin, gati 30 gra kanë lindur në bodrumin e një spitali në një qytet.
Foshnjat e tyre lindin ndërsa bombat bien mbi atdheun e tyre, apo edhe predhat godasin rreth spitaleve.
Midis tyre është edhe 24-vjeçarja, Anastasia Hlazenko, e cila u detyrua që të përgatitej për lindjen e fëmijës së saj të parë duke u strehuar në një bodrum, teksa forcat ruse shpërthyen qytetin ku jetonte.
“Të kesh një fëmijë në kohë lufte është e tmerrshme. Por është gjithashtu një kohë gëzimi sepse tregon se edhe në kohët më të errëta për Ukrainë, jeta vazhdon”, ka thënë nëna e re.
“Th Sun” ka publikuar foton e një tjetër nëne, Aleina, e cila shfaqej teksa mban në krahë fëmijën e saj të porsalindur, Snizhana, në bodrumin e një spitali në qytetin port të rrethuar të Mykolaiv. Kur ajo po sillte në jetë foshnjën sirenat e sulmit ajror binin pa pushim jashtë.
