Ka nisur prej dy orësh shfaqja në Teatrin e Operas dhe Baletit dhe duket se deri më tani është pritur shumë mirë nga publiku.
Prezent kanë qenë edhe shumë personazhe të njohur si kryeministri Edi Rama me bashkëshorten e tij, Linda Rama, ministrja e Kulturës, Elva Margariti, ministrja Elisa Spiropali e shumë të tjerë.
Kjo shfaqje është çelur me një koreografi baleti dhe më pas ka pasuar nga sopranoja e famshme shqiptare Ermonela Jaho. Gjithashtu kanë performuar soprano e parë e TOB, Eva Golemi; Mezosoprano Vikena Kamenica; Baritoni Armando Likaj; artisti Klodian Kaçani si edhe të tjerë emra të njohur.
Mirëpo, surpriza e kësaj mbrëmje ishte legjenda e operës, Placido Domingo, i cili dirigjoi orkestrën me pjesë nga Traviata. Sapo artisti me famë botërore është ngjitur në skenë, publiku e ka duartrokitur pafund dhe ka shijuar performancën e tij.