Sabrina Bengaj, 23 vjeçarja që u vra pak ditë më parë, ishtë kërcënuar nga ish-bashkëshorti i saj, ndërsa ky i fundit ndodhej në burg.
Gazetarja Anila Hoxha ka zbuluar se autori i vrasjes, Elton Metaj e ka marrë në telefon Sabrinën ndërkohë që ndodhej pas hekurave dhe e ka kërcënuar se do ta vrasë.
“Kjo ishte një vrasje me paramendim që mund të parandalohej. Elton Metaj, dy javë para se të dilte nga burgu i Zaharisë e ka telefonuar Sabrina Bengajn dhe i ka thënë ‘Unë do të dal nga burgu dhe do të të vras’, mësohet t’i ketë thënë ai.
Sabrina ka bërë denononcim në polici. Çështja shkoi në prokurori, por u neglizhua”, tha Anila Hoxha në OPEN.
Gazetarja tha se një divorc i papranuar ishte edhe shkaku i tragjedisë që çoi në vrasjen e Sabrina Bengajt.
Anila Hoxha dha edhe disa shifra, ku sipas saj që nga janari, 380 burra janë arrestuar për akuzën e dhunës në familje.