Një ngjarje e rendë ka ndodhur paraditen e sotme në kryeqytet në zonë e Ish-Bllokut teksa u dyshua edhe për vrasje.
Informacionet e para bënë me dije se ishin degjuar të shtëna por Policia solli një tjeter version.
Pas marrjes së njoftimit, policia ka shkuar në vendngjarje dhe menjëherë më pas ka njoftuar me anë të një informacioni paraprak se bëhej fjalë për një viktimë, 67 vjeç i cili sipas policisë ka ndërruar jetë nga ataku kardiak.
Mesohet se viktima ka dalë nga një pikë këmbimi valutor, dhe menjëherë më pas ka humbur ndjenjat duke rënë në tokë.
AlpeNews.al sjell pamje nga zona pak minuta pasi ngjarja kishte ndodhur.
Njoftimi i Policisë:
Tiranë/Informacion paraprak
Me datë 20.11.2020, rreth orës 13:30, në rrugën “Ibrahim Rugova”, dyshohet si pasojë e një arresti kardiak, ka ndërruar jetë shtetasi P.S., 67 vjeç.
Vijojnë veprimet me grupin hetimor për zbardhjen dhe sqarimin e rrethanave të ngjarjes.